Les mots surlignés font l'objet d'une note
1Monseigneur, l’utillité du pays me faict prandre la hardiesse
2de vous importuner par la presente, laquelle jescriptz de bon cueur,
3cognoissant laffection qu’avés aux subiectz royaulx de votre gouvernement ;
4et mesmes actandu le faict dont sagist, auquel encores que
5de heussions avoir faict les dilligences necessaires pour satisfère
6à notre charge et hobeir aux edictz de sa majesté sur ce exprès ;
7neaulmeings, je desiroye tousjour, monseigneur, apprandre sur ce
8voz bons plaisirs ; cest, monseigneur, que ce pays et bailliage
9de Briançon, en toute lestendue de notre ressort, a très que
10mal recuilhy et mesmes en grains. Et touteffoys lavarice
11des hommes est si grande que ilz ne craignent donner occassion
12au pouvre de morir de faim avant laultre recolte en
13faisant grand amaz desdits grains du transport diceulx aux
14estranges monarquies contre les edictz de sa majesté disposition du
15droict commung ; et à mon advis, oultre votre volunté surquoy
16desirons promptement pourveu de remède convenable pour
17satisfaire ausdits edictz et loix. Et pour mieulx le faire attendons
18ladvis quil plairra à votre segneurie surce nous
19commander, auquel ne fauldrons hobeir incontinant
20et satisfaire au faict duquel est dict comme aultresfoys
21lon a faict en establissant des commissaires (cy ainsi vous
22plaict comander) qui se prandront bien garde sans faire
23injure au voisin estrangier qui ne nous en peult secourir,
24ayant esté de ce desfendu par son prince, monsieur de Savoye
25et monsieur de Piedmont. Au demeurant, monseigneur,
26nous essayons de faire contenir en paix le peuple tant que
27pouvons et tenons ma main sur la prohibition du port des
28arquebouzes, lequel sembloit estre refrechy et renouvellé
29au peuple à loccassion de la permission que luy fust faicte
30pour la venue du seigneur reverendissime cardinal Alexandrin pour faire
31partie de notre debvoir, mays une aultresfoys mieulx advertis,
32lon declarera aquelz fins et par mesme moyen que le
33cas passé lon les aye à remectre. Il y a quelques ungs
34de ceulx que par nous sont reprins sur la contrevention au
35reglement de monseigneur d’Ampville que se veulhes coiffer
36de ce que par dernier edict de sa majesté nest prohibé aultre
37chose que le port des arquebouzes et non des aultres
38armes et par ainsi tacitement semble estre permises par sa majesté,
39[v°] à quoy, soubz correction fauldroit expecialle remission de les porter
40et especialle abolition dudit reglement, ce que nest comme je leur
41ay donné entendre et comme mieulx nous les feront hobeir. Sil
42vous plaict nous y commander voz bons plaisir, que sera la fin de
43la presente, avec les recomandations très humbles de monsieur le lieutenent
44particullier notre père et notres, en priant le Createur vous
45donner
46monseigneur ce que plus desirés. De Briançon, ce XVIIIe
47jour de VIIbre 1571.
48Votre très humble et très hobeissant serviteur
49chalhol